BI Group, Azərbaycanda həyata keçirilən ilkin üç aylıq əməkdaşlığın uğurlu nəticələrindən sonra Wemark ilə yaradıcı tərəfdaşlığını daha bir il müddətinə uzadıb.

Qısa müddətli formatda başlayan bu əməkdaşlıq BI Group-un yerli bazarda kommunikasiya strategiyasının gücləndirilməsi və brend mövqeyinin möhkəmləndirilməsi baxımından effektiv nəticələr verib. Əldə olunan uğurlar fonunda tərəfdaşlıq BI Group-un Azərbaycandakı davamlı kommunikasiya və kreativ ehtiyaclarını əhatə edən uzunmüddətli əməkdaşlıq formatına keçirilib.

Qazaxıstanda əsası qoyulmuş BI Group Mərkəzi Asiya regionunda iri miqyaslı yaşayış və kommersiya layihələri həyata keçirən beynəlxalq inşaat və development şirkətidir. Şirkət Azərbaycanda da mühüm daşınmaz əmlak layihələrini reallaşdırmaqla yanaşı, aydın, ardıcıl və müasir brend kommunikasiyasına xüsusi önəm verir.

Əməkdaşlıq çərçivəsində Wemark BI Group-un kreativ tərəfdaşı qismində çıxış edərək, şirkətin miqyasını, etibarlılığını və uzunmüddətli baxışını əks etdirən kommunikasiya həlləri hazırlayır. Görülən işlərin əsas məqsədi BI Group-un fəaliyyətini və dəyərlərini yerli bazara uyğun, sadə, lakin təsirli hekayəçilik dili ilə çatdırmaqdır.

Bu tərəfdaşlıq Wemark üçün də daşınmaz əmlak və inşaat sahəsində təcrübəsinin daha da möhkəmlənməsi baxımından əhəmiyyətlidir. Şirkətin bu sahədəki əvvəlki əməkdaşlıqları sırasında Pasha Property Management, Pasha Real Estate və Absheron Hotel Group kimi nüfuzlu qurumlar yer alır.

Wemark gələcək dövrdə BI Group ilə əməkdaşlığın daha da genişlənməsini, o cümlədən beynəlxalq bazarlarda mümkün birgə layihələrin reallaşdırılmasını hədəfləyir.

BI Group Wemark ilə yaradıcı tərəfdaşlığını davam etdirir

Digər Xəbərlər