Wemark-də inkişaf təsadüfi deyil və o, strategiya, texnologiya və dizaynı bir nöqtədə birləşdirməyi bacaran liderlərlə birlikdə qurulur.

Bu gün Wemark-in inkişaf yolunda vacib bir addımı paylaşmaqdan məmnunuq. Belə ki, ilk dəfə olaraq təşkilatı strukturda Biznesin İnkişafı istiqaməti formalaşdırılır. Bu addım fokusumuzun təkamülünü və strateji-yaradıcı imkanlarımızla yanaşı, xüsusilə texnologiya əsaslı həlləri böyütmək niyyətimizi əks etdirir. Bu istiqamətə Narmin Cəfərli rəhbərlik edəcək və onu komandamızda görməkdən məmnunuq.

Biznesin İnkişafı üzrə Rəhbər rolunda olacaq Nərmin xanım, strateji tərəfdaşlıqların qurulmasına, mürəkkəb tender proseslərinin idarə edilməsinə və böyümə təşəbbüslərinin formalaşdırılmasına fokuslanacaq. Onun rolu imkanları davamlı biznes dəyərinə çevirən strategiya ilə icranın kəsişməsində yerləşir.

Nərmin xanım, öz profilində praktiki rəqəmsal təcrübəni, liderlik bacarıqlarını və biznes anlayışnı birləşdirir. Onun karyera yolu performans yönümlü rəqəmsal əsaslardan başlayaraq yüksək səviyyəli rəhbər vəzifələrə qədər uzanır və bu da ona müxtəlif sahələrdə böyümənin necə qurulduğunu dərindən anlamaq imkanı verir. Biznes idarəçiliyi üzrə möhkəm baza, rəqəmsal çərçivələrə dərin baxış və həm analitik, həm də yaradıcı düşüncə tərzi Nərminin böyüməyə struktur, miqyaslana bilənlik və uzunmüddətli təsir prizmasından yanaşmasını təmin edir. Məhz bu nüans Wemark-ın vizyonu ilə tam üst-üstə düşür.

Bu səbəbdən bu rolun yaradılması və Nərmin Cəfərliyə etibar edilməsi, bu gün olduğumuz nöqtəyə söykənən ama eyni zamanda növbəti mərhələyə fokuslanan inamlı bir addımdır.

Bu yeni mərhələ üçün həyəcanlıyıq və inamla deyirik: Xoş gəldin, #marker! Gəl birlikdə fərq yaradaq .

Nərmin Cəfərli Wemark-a qoşuldu

Digər Xəbərlər