Son iki il yarım ərzində Wemark bir marketinq və texnologiya şirkətindən daha böyük bir struktura çevrilib. Kampaniyalar, brendlər və biznes inkişafı ilə yanaşı, şirkət davamlı öyrənmə, sahiblik hissi, şəffaflıq və ölçüləbilən inkişaf prinsiplərinə əsaslanan güclü daxili mədəniyyət formalaşdırıb.

Nisbətən gənc şirkət olmasına baxmayaraq, Wemark heç vaxt istedad çatışmazlığı problemi yaşamayıb. İlk gündən etibarən şirkət həm yerli, həm də regional bazarın aparıcı şirkətlərindən güclü peşəkarların müraciətlərini qəbul edib. Ambisiyalı və inkişaf yönümlü insanları təbii şəkildə cəlb edən employer brand qurmaq Wemark-ın ilk gündən prioritetlərindən biri olub.

“Servis şirkəti olaraq bizim ən böyük iki gücümüz insanlarımız və reputasiyamızdır. Bu səbəbdən Wemark üçün HR heç vaxt yalnız işə qəbul funksiyası ilə məhdudlaşmayıb. Biz HR-a təşkilati inkişaf, korporativ mədəniyyət, liderlik inkişafı və uzunmüddətli biznes uğuru ilə birbaşa əlaqəli strateji bir istiqamət kimi baxırıq.” - Vüqar Mehdiyev, Wemark-ın Təsisçisi və CEO-su.

Bu gün Wemark mütəmadi olaraq book-review sessiyaları, mini-MBA formatlı daxili proqramlar, workshop-lar və komanda aktivitələri təşkil edir. Eyni zamanda şirkət inkişafı, engagement-i və komanda böyüməsini daha strukturlaşdırılmış və ölçüləbilən hala gətirən daxili sistemlər üzərində işləməyə davam edir. Bu istiqamətin bir hissəsi olaraq Wemark hazırda şirkət daxilində istifadə etdiyi sistem və prosesləri məhsullaşdıraraq öz employee engagement və talent management platformasını hazırlayır. Hazırda yekun development mərhələsində olan platformanın bu il SaaS məhsulu kimi bazara təqdim olunması planlaşdırılır.

Şirkətin ilk günlərindən bu dəyərli yolda töhfə verən əsas insanlardan biri də Safura Ahmad olub. O, artıq HR Business Partner roluna yüksələrək şirkət daxilində təşkilati inkişaf və insanlarla bağlı biznes qərarlarında daha aktiv rol almağa başlayacaq.

Bu təyinat Wemark-ın mədəniyyətin, biznesin və insanların birlikdə inkişaf etdiyi modern iş mühiti qurmaq vizyonunda atdığı növbəti addımlardan biridir.

Safuranı həm peşəkar, həm də şəxsi tərəfdən daha yaxından tanımaq üçün son Instagram paylaşımımıza baxa bilərsiniz.

İnsan və Korporativ Mədəniyyət İstiqamətini Gücləndiririk

Wemark İnsan və Korporativ Mədəniyyət İstiqamətini Yeni HR Business Partner Təyinatı ilə Gücləndirir

Digər Xəbərlər