Azərbaycanın aparıcı iqtisadi sahələrindən biri olan enerji sektoru artıq Wemark-ın fəaliyyət istiqamətləri sırasındadır. Belə ki, şirkətimiz Umid Babek Operating Company (UBOC) ilə daxili və xarici kommunikasiyanı əhatə edən uzunmüddətli əməkdaşlığa başladığnı bildirməkdən qürur duyur.

2017-ci ildən fəaliyyət göstərən UBOC, Xəzərin Azərbaycan sektorunda yerləşən Ümid qaz-kondensat yatağı və Babək perspektiv strukturunda kəşfiyyat, hasilat və əməliyyat fəaliyyəti həyata keçirir.

Əməkdaşlığımızın əsas məqsədi UBOC-un daxili və xarici kommunikasiyasını inkişaf etdirmək, şirkətin fəaliyyəti, insanları və korporativ mədəniyyəti haqqında hekayələri daha aydın, maraqlı və yaradıcı şəkildə təqdim etməkdir.

Bu əməkdaşlığın əsas fokus nöqtələrindən biri məhz "employer branding" olacaq. UBOC-un daxili marketinq və kommunikasiya komandası ilə birlikdə şirkətin uğurlarının arxasında dayanan insanları, onların təcrübəsini və şirkət daxilində formalaşan mədəniyyəti daha yaxından tanıdacaq, enerji sektorunun fərqli tərəflərini göstərən uğurlu işlər ərsəyə gətirəcəyimizə inanırıq.

Enerji sektoru mürəkkəb prosesləri, yüksək texnologiyanı və böyük miqyaslı əməliyyatları birləşdirir. Bu tərəfdaşlıq Wemark üçün həm yeni bir sektorda təcrübəsini genişləndirmək, həm də texniki mövzuları insanlara yaxın və anlaşılan kommunikasiyaya çevirmək baxımından xüsusi əhəmiyyət daşıyır.

Fəaliyyətinin miqyasını, insanlarını və yaratdığı dəyəri daha güclü kommunikasiya ilə ifadə etmək istəyən təşkilatlar partnership@wemark.pro ünvanı vasitəsilə bizimlə əlaqə saxlaya bilərlər.

UBOC DAXİLİ VƏ XARİCİ KOMMUNİKASİYASI ÜÇÜN WEMARK-I SEÇİB

Digər Xəbərlər