HAQQIMIZDA

Wemark - media, texnologiya və innovativ ideyaların kəsişməsində yerləşən, brendlərə auditoriyaları ilə daha dərin və effektiv əlaqə qurmağa imkan verən 360° marketinq və texnologiyanın güc mərkəzidir. Wemark-ı kosmik gəminin gücləndirici mühərriki kimi düşünə bilərsiniz: biznesləri maliyyə və strateji hədəflərinə doğru irəli aparır və onların daha böyük zirvələrə yüksəlməsinə kömək edir.

Bizim gələcəyə baxışımız təsəvvürlərimizin sərhədlərini aşır. Wemark-da inanırıq ki, təsəvvür etdiyiniz hər şey reallıqdır və biz bunu ən yaxşı texnologiya ilə doğru dizaynı bir araya gətirərək gerçəkləşdiririk.

Hazırda bizə #fərqyaratmaqda kömək edə biləcək Baş icraçı direktor assistenti axtarırıq.

Vəzifə Təsviri

Baş icraçı direktor assistenti olaraq, siz birbaşa rəhbər ilə işləyəcək, Wemark daxilində yeni layihələrin və strateji təşəbbüslərin inkişafına dəstək olacaqsınız. Siz bazar araşdırması, kontent yaradılması və biznes inkişafı daxil olmaqla müxtəlif istiqamətlərdə fəaliyyət göstərəcəksiniz.

Siz yeni istiqamətlərin qurulmasına töhfə verəcək və ənənəvi müştəri işlərindən kənar layihələrin icrasında iştirak edərək əsas təşəbbüslər üzrə məsuliyyəti öz üzərinizə götürəcəksiniz. Bu rol yüksək məsuliyyət, çeviklik və öyrənməyə açıq yanaşma tələb edir, eyni zamanda qərarvermə proseslərinə birbaşa çıxış və gələcəkdə liderlik roluna inkişaf imkanı yaradır.

Vəzifə üzrə tələblər

Güclü akademik göstəricilərə malik bakalavr dərəcəsi və ya son kurs tələbəsi (xaricdə təhsil üstünlükdür).
Azərbaycan və İngilis dillərini səlis bilmək; Rus dili üstünlükdür.
Güclü analitik düşüncə və problem həll etmə bacarıqları.
Aydın kommunikasiya və strukturlaşdırılmış düşüncə tərzi.
Yeni texnoloji alətlərlə tanışlıq və alətlərə tez uyğunlaşma bacarığı.
Yüksək məsuliyyət hissi, detallara diqqət və intizam.
Sürətli mühitdə işləmək və eyni anda bir neçə tapşırığı idarə etmək bacarığı.
Yüksək fokus, ambisiya və dayanıqlılıq.

Niyə wemark

Wemark sizə real iş təcrübəsi və inkişaf yönümlü təhsil proqramları vasitəsilə aydın karyera yolu təqdim edir. Burada siz açıq fikirli startap mühitində öz potensialınızı kəşf edəcək, öyrəndiklərinizi praktikaya çevirərək bu prosesdən həqiqi zövq alacaqsınız.

40+ istedadlı mütəxəssisdən ibarət böyüyən komandamızın bir hissəsi olaraq, siz yaradıcı texnologiyaların və süni intellekt əsaslı həllərin inkişaf etdiyi mühitdə dəyərli layihələr üzərində çalışmaq və Wemark-ın gələcək inkişafına töhfə vermək imkanı əldə edəcəksiniz. Bizə qoşulun və Süni İntellekt dövründə yaradıcılığın yeni mərhələsini birlikdə formalaşdıraq.

Baş icraçı direktor assistenti

Daha çox fürsət