HAQQIMIZDA

Wemark – media, texnologiya və yeni ideyalar vasitəsilə brendlərin auditoriyası ilə daha sıx əlaqə qurmasına kömək edən tam xidmətli konsaltinq və istehsalat laboratoriyasıdır.

Wemark-ı dəyər zəncirində marketinqin mərkəzi rol oynadığı şirkətlər üçün biznes sürətləndiricisi kimi təsəvvür edə bilərsiniz – biz şirkətlərin maliyyə və strateji hədəflərinə doğru irəliləməsinə və yeni zirvələrə yüksəlməsinə kömək edirik.

Bizim vizyonumuz təsəvvürümüzdən daha irəlidədir. Wemark-da biz təsəvvür edə biləcəyiniz hər şeyin real olduğuna inanır və ən son texnologiya ilə düzgün dizaynı istifadə edərək bunu həyata keçiririk.

Hazırda bizə #fərqyaratmaqda kömək edə biləcək Müştəri Strategiyalarının Qurulması və İnkişafı üzrə Mütəxəssis axtarırıq.

VƏZİFƏ TƏSVİRİ

Müştəri Strategiyalarının Qurulması və İnkişafı üzrə Mütəxəssis olaraq siz uzunmüddətli əməkdaşlıq etdiyimiz müştərilərimizin Marketinq rəhbəri kimi fəaliyyət göstərəcəksiniz. Vəzifə öhdəlikləriniz müştəri əlaqələrini idarə edilməsi və strateji istiqamətlər üzrə tədbirlər planının tərtib edilməsindən ibarət olacaqdır. Artım və inkişaf fürsətlərini müəyyən etmək, kampaniyaları optimallaşdırmaq və müştərilərin inkişaf hədəflərinə uyğun nəticələr təqdim etmək sizin məsuliyyətinizdə olacaqdır.

Müştəri strategiyalarının qurulması və inkişafı üzrə mütəxəssis, müştərilər və daxili komandası arasındakı işgüzar münasibətləri idarə edən şəxsdir. O ehtiyacları müəyyən edir, bu barədə komanda üzvləri ilə effektiv kommunikasiyanı təmin edir, idea ərsəyə gətirir, komanda üzvlərinin rollarını müəyyən edir və ilkin icradan nəticənin təqdim edilməsinədək ümumi prosesin idarəetməsini həyata keçirir.

VƏZİFƏ ÜZRƏ TƏLƏBLƏR

Səlis şəkildə yazılı və şifahi ünsiyyət yaratmaq qabiliyyəti.
Marketinq, reklam və ya kommunikasiya sahəsində 3 ilədək iş təcrübəsi.
Marketinq, biznes və ya əlaqəli sahələr üzrə ali təhsil.
Marketinq strategiyaları və müasir trendlər barədə biliklərə sahib olmaq.
Layihə idarəetməsi və çoxsaylı vəzifələrin həyata keçirilməsi bacarığı.
Güclü analitik təhlil və problem həlletmə bacarığı.
Komanda mühitində əməkdaşlıq etmə bacarığı.
Marketinq sənayesində təcrübə və ya müxtəlif sahələrdə bazar dinamikası, istehlakçı üstünlükləri və rəqabət mühitinin təhlili üzrə biliklərə sahib olmaq.
Məhsul xüsusiyyətlərini cəlbedici marketinq mesajlarına çevirmək və hədəf auditoriyalarla effektiv şəkildə əməkdaşlıq yaratmaq bacarığı.

NİYƏ WEMARK

Wemark, sizə real iş nümunələri və təhsil proqramları vasitəsilə aydın karyera planı və çoxsaylı şəxsi inkişaf imkanları təklif edir. Wemark-da siz açıq fikirli startap mədəniyyəti mühitində özünüzü reallaşdıraraq, öyrənməkdən və iş prosesindən həzz alacaqsınız. Davamlı inkişaf edən 50 nəfərlik komandamızla birlikdə Wemark-ı daha da gücləndirmək üçün bizə qoşulmağa dəvət edirik!

Müştəri strategiyalarının qurulması və inkişafı üzrə mütəxəssis

Daha çox fürsət