HAQQIMIZDA

Wemark — media, texnologiya və yeni ideyalar vasitəsilə brendlərə auditoriyaları ilə daha güclü əlaqə qurmağa imkan verən 360 dərəcə marketinq və texnologiya mərkəzidir.

Wemark-ı dəyər zəncirində marketinqin mərkəzi rol oynadığı şirkətlər üçün biznes sürətləndiricisi kimi təsəvvür edə bilərsiniz – biz şirkətlərin maliyyə və strateji hədəflərinə doğru irəliləməsinə və yeni zirvələrə yüksəlməsinə kömək edirik.

Bizim vizyonumuz təsəvvürümüzdən daha irəlidədir. Wemark-da biz təsəvvür edə biləcəyiniz hər şeyin real olduğuna inanır və ən son texnologiya ilə düzgün dizaynı istifadə edərək bunu həyata keçiririk.

Hazırda bizə #fərqyaratmaqda kömək edə biləcək Dizayn və Media İstehsalatı Departamentinin Rəhbəri axtarırıq.

Vəzifə Təsviri

Dizayn və Media İstehsalatı Departamentinin Rəhbəri olaraq, siz Wemark-ın bütün vizual komandasını idarə edəcək, Dizayn və Video komandalarına – o cümlədən Video Dizayner və Videoqrafiya&Mobiloqrafiya sahələrinə rəhbərlik edəcəksiniz. Siz komandaları ilhamlandıraraq təsirli konseptlər, əsas vizuallar və video məzmun hazırlamalarına rəhbərlik edəcək, hər bir işin Wemark-ın yüksək səviyyəli yaradıcılıq standartını əks etdirməsini təmin edəcəksiniz.

Bu rolda siz bütün yaradıcı prosesi — video qrafikadan mobil məzmuna qədər — nəzarətinizdə saxlayacaq, əsas konseptləri müştərilərə təqdim edəcək, onların brend məqsədləri ilə uyğunluğunu təmin edəcək və tapşırıqların səmərəli bölgüsü vasitəsilə komandanın məhsuldarlığını və motivasiyasını dəstəkləyəcəksiniz. Siz həmçinin HR ilə əməkdaşlıq edərək işə qəbul, komanda inkişafı və müasir, əməkdaşlığa əsaslanan mədəniyyətin formalaşmasına töhfə verəcəksiniz. Sizin yanaşmanız və liderliyiniz sayəsində Wemark-ın bütün yaradıcılıq işləri vizual mükəmməlliyi, yenilikçiliyi və müasirliyi əks etdirəcək.

Bu strateji liderlik roludur, ənənəvi art-direktor vəzifəsi deyil. Sizin liderliyiniz Wemark-ın vizual hekayəçiliyinin müştərilərə təsir gücünü necə artıracağını müəyyən edəcək, eyni zamanda innovativ, yüksək performanslı və motivasiyalı bir komanda mühitini formalaşdıracaq.

Vəzifə üzrə tələblər

Dizayn rəhbərliyində 5+ illik, o cümlədən ən azı 2 il multidissiplinar vizual komandaların idarə olunması üzrə təcrübə.
Güclü dizayn bilikləri və müasir, yüksək səviyyədə yaradıcılıq zövqü.
Qrafik dizayn və/və ya video istehsal komandalarına rəhbərlik üzrə təsdiq olunmuş təcrübə.
Konseptləri müştərilərə təqdim etmək və strateji hədəfləri vizual həllərə çevirmək bacarığı.
Tapşırıqların bölgüsü, komanda motivasiyası və işə qəbul proseslərində əməkdaşlıq bacarığı.
Strateji düşüncə tərzi, güclü qərarvermə qabiliyyəti və eyni vaxtda bir neçə yaradıcı məhsula nəzarət etmək bacarığı.
İngilis dilində sərbəst danışıq bacarığı (beynəlxalq təcrübə və ya təhsil üstünlük hesab olunur).

Niyə wemark

Wemark, sizə real iş nümunələri və təhsil proqramları vasitəsilə aydın karyera planı və çoxsaylı şəxsi inkişaf imkanları təklif edir. Wemark-da siz açıq fikirli startap mədəniyyəti mühitində özünüzü reallaşdıraraq, öyrənməkdən və iş prosesindən həzz alacaqsınız. Davamlı inkişaf edən 50 nəfərlik komandamızla birlikdə Wemark-ı daha da gücləndirmək üçün bizə qoşulmağa dəvət edirik!

Dizayn və media istehsalatı departamentinin rəhbəri

Daha çox fürsət