Haqqımızda

Wemark – media, texnologiya və yeni ideyalar vasitəsilə brendlərin auditoriyası ilə daha sıx əlaqə qurmasına kömək edən tam xidmətli konsaltinq və istehsalat laboratoriyasıdır.

Wemark-ı dəyər zəncirində marketinqin mərkəzi rol oynadığı şirkətlər üçün biznes sürətləndiricisi kimi təsəvvür edə bilərsiniz – biz şirkətlərin maliyyə və strateji hədəflərinə doğru irəliləməsinə və yeni zirvələrə yüksəlməsinə kömək edirik.

Bizim vizyonumuz təsəvvürümüzdən daha irəlidədir. Wemark-da biz təsəvvür edə biləcəyiniz hər şeyin real olduğuna inanır və ən son texnologiya ilə düzgün dizaynı istifadə edərək bunu həyata keçiririk.

Hazırda bizə #fərqyaratmaqda kömək edə biləcək Video Dizayner axtarırıq.

Vəzifə Təsviri

Video Dizayner olaraq vəzifə öhdəliyinizin əsası müştərilərimizin hekayələrini canlandıran vizual cəlbedici animasiyalar, video dizaynlar və hərəkətli qrafika yaratmaq olacaqdır. Siz video dizaynın hər bir aspektində - konsepsiyanın müəyyən edilməsindən icraya qədər video dizaynının hər bir mərhələsində iştirak edəcəksiniz. Yüksək keyfiyyətli məzmun təqdim etmək üçün marketinq, dizayn və video istehsalı üzrə komanda üzvləri ilə sıx əməkdaşlıq edəcəksiniz. Dinamik vizualları formalaşdırmaq və bu sahədə yeni fəaliyyətə başlayan dizayner həmkarlarınıza bacarıqlarını inkişaf etdirməkdə mentorluq etmək fürsətinə də malik olacaqsınız.

Sizin rolunuza sosial media, rəqəmsal reklamlar, çöl reklamları (OOH) və s. üçün animasiyalar hazırlamaq, hazırlanmış işlərin brend qaydaları, kampaniya məqsədlərinə uyğun olmasını təmin etmək və redaktə etmək daxildir. Video dizayn proqramında təcrübənizdən istifadə edərək və müştərilərin tələblərini təhlil edərək cəlbedici vizual məzmun yaradılmasından məsul olacaqsınız. Əlavə olaraq işinizin innovativ və təsirli olmasını təmin etmək məqsədi ilə dizayn tendensiyaları və texnoloji irəliləyişlərdən xəbərdar olacaqsınız.

Vəzifə üzrə tələblər

Video dizaynı və ya animasiya sahəsində minimum 2 il iş təcrübəsi.
Adobe After Effects, Cinema 4D və digər müvafiq video dizayn proqramlarından istifadə bacarığı.
Animasiya prinsipləri, tipoqrafiya və vizual hekayə izahı texnikaları üzrə güclü biliklər.
Çoxsaylı layihələri idarə etmək, yüksək keyfiyyət standartlarını qorumaqla vaxtında tamamlanmasını təmin etmək bacarığı.
Adobe Premiere Pro və ya Final Cut Pro kimi video redaktə proqramları üzrə biliklər üstünlükdür.
Detallara diqqət yetirmək və problemləri həll etmək bacarığı.
Komanda mühitində əməkdaşlıq etmə bacarığı.

Niyə wemark

Wemark, sizə real iş nümunələri və təhsil proqramları vasitəsilə aydın karyera planı və çoxsaylı şəxsi inkişaf imkanları təklif edir. Wemark-da siz açıq fikirli startap mədəniyyəti mühitində özünüzü reallaşdıraraq, öyrənməkdən və iş prosesindən həzz alacaqsınız. Davamlı inkişaf edən 50 nəfərlik komandamızla birlikdə Wemark-ı daha da gücləndirmək üçün bizə qoşulmağa dəvət edirik!

Video Dizayner

Daha çox fürsət