Haqqımızda

Wemark – media, texnologiya və yeni ideyalar vasitəsilə brendlərin auditoriyası ilə daha sıx əlaqə qurmasına kömək edən tam xidmətli konsaltinq və istehsalat laboratoriyasıdır.

Wemark-ı dəyər zəncirində marketinqin mərkəzi rol oynadığı şirkətlər üçün biznes sürətləndiricisi kimi təsəvvür edə bilərsiniz – biz şirkətlərin maliyyə və strateji hədəflərinə doğru irəliləməsinə və yeni zirvələrə yüksəlməsinə kömək edirik.

Bizim vizyonumuz təsəvvürümüzdən daha irəlidədir. Wemark-da biz təsəvvür edə biləcəyiniz hər şeyin real olduğuna inanır və ən son texnologiya ilə düzgün dizaynı istifadə edərək bunu həyata keçiririk.

Hazırda bizə #fərqyaratmaqda kömək edə biləcək Veb dizayn üzrə Təcrübəçi axtarırıq.

Vəzifə Təsviri

Veb dizayn üzrə Təcrübəçi olaraq, əsas vəzifəniz funksional, istifadəsi rahat və vizual cəhətdən diqqətçəkici rəqəmsal interfeyslərin hazırlanmasına dəstək olmaq olacaq. Siz istifadəçilərin davranışlarını anlamaq üçün araşdırmalar aparacaq, bu məlumat əsasında wireframe-lər, prototiplər və UI dizaynları hazırlamaqda digər mütəxəssislərə kömək edəcəksiniz.

Dizaynların düzgün şəkildə həyata keçirilməsi üçün İT və Məhsul komandaları ilə sıx əməkdaşlıq edəcək və mövcud dizayn üslubuna uyğunluğun qorunmasında iştirak edəcəksiniz. İstifadəçi rəylərinə və test nəticələrinə əsaslanaraq interfeyslərin təkmilləşdirilməsində komandanı dəstəkləyəcək, həm estetik, həm də funksional baxımdan effektiv həllər yaratmağa çalışacaqsınız.

Vəzifə üzrə tələblər

Veb Dizayn, Məhsul Dizayn və əlaqəli sahələrdə təhsil və ya maraq.
Figma, Adobe XD və ya Sketch kimi dizayn alətləri üzrə əsas biliklər.
Dizayn əsaslarını anlamaq — layout, tipoqrafiya, boşluqlar, rəng nəzəriyyəsi.
İstifadəçi davranışına maraq və istifadəçi yönümlü dizayn (UCD) metodlarını öyrənməyə həvəs.
Yaradıcılıq, detallara diqqət və həm UX, həm də UI bacarıqlarını inkişaf etdirmə motivasiyası.
Tapşırıqları vaxtında yerinə yetirmə və komandada əməkdaşlıq bacarığı.
Portfolio və ya şəxsi/akademik iş nümunələri üstünlükdür.

Niyə wemark

Wemark, sizə real iş nümunələri və təhsil proqramları vasitəsilə aydın karyera planı və çoxsaylı şəxsi inkişaf imkanları təklif edir. Wemark-da siz açıq fikirli startap mədəniyyəti mühitində özünüzü reallaşdıraraq, öyrənməkdən və iş prosesindən həzz alacaqsınız. Davamlı inkişaf edən 50 nəfərlik komandamızla birlikdə Wemark-ı daha da gücləndirmək üçün bizə qoşulmağa dəvət edirik!

Veb dizayn üzrə təcrübəçi

Daha çox fürsət