Wemark Solong Live-ın 360° Yaradıcı və Marketinq Partnyorudur!

Wemark-ın Solong Live ilə yaradıcılıq sahəsində olan yeni tərəfdaşlığını elan etməkdən məmnunluq duyuruq. Solong Live Azərbaycanın elektron musiqi səhnəsində mədəniyyət, səs, məkan anlayışlarını bir araya gətirən unikal və müasir platformadır. Bu tərafdaşlıq nəticəsində Wemark Solong-un marketinq, kreativ, brendinq və kommunikasiya fəaliyyətlərini həyata keçirəcək.

2019-cu ildə təsis edilmiş Solong Live təkcə musiqi platforması deyil, həm də mədəni dəyərlərin təbliğinə əsaslanan bir layihədir. Onun missiyası Azərbaycanda elektron musiqinin inkişafına dəstək olmaqla yanaşı, ölkəmizin tarixi abidələrini və zəngin irsini dünyaya tanıtmaqdır. Solong fərqli musiqi janrlarını vizual baxımdan təsirli, eyni zamanda tarixi baxımdan önəmli məkanlarla birləşdirir, bununla da həm ənənələrə, həm də innovasiyaya əsaslanan unikal bir təcrübə vəd edir. Stephan Bodzin, Boris Brejcha və The Blaze kimi adlara ev sahibliyi edən tədbirlər və növbəti NTO konserti ilə Solong dünya səviyyəsində təsir yaradan yerli səhnə imicini formalaşdırmağa davam edir. Həm sənətçi seçimi, həm də vizual detallar bir daha sübut edir ki, Solong keyfiyyət və orijinallığa əsaslanır.

Bu əməkdaşlıq yalnız iki iddialı komandanı birləşdirmir, həm də Wemark-ın bu sənayedə yüksələn mövqeyini bir daha sübut edir. Belə ki, Gamesummit və Solong Live kimi strateji tərəfdaşlıqlarla Wemark yerli əyləncə və mədəniyyət sahəsində önə çıxan güc olaraq öz rolunu günü-gündən daha çox möhkəmləndirir.

Wemark x Solong: Yaradıcı Güclə Musiqi Nəbzinin Birgə Döyünməsi

Digər Xəbərlər