HAQQIMIZDA

Wemark - media, texnologiya və innovativ ideyaların kəsişməsində yerləşən, brendlərə auditoriyaları ilə daha dərin və effektiv əlaqə qurmağa imkan verən 360° marketinq və texnologiyanın güc mərkəzidir. Wemark-ı kosmik gəminin gücləndirici mühərriki kimi düşünə bilərsiniz: biznesləri maliyyə və strateji hədəflərinə doğru irəli aparır və onların daha böyük zirvələrə yüksəlməsinə kömək edir.

Bizim gələcəyə baxışımız təsəvvürlərimizin sərhədlərini aşır. Wemark-da inanırıq ki, təsəvvür etdiyiniz hər şey reallıqdır və biz bunu ən yaxşı texnologiya ilə doğru dizaynı bir araya gətirərək gerçəkləşdiririk.

Hazırda bizə #fərqyaratmaqda kömək edə biləcək Kopirayter axtarırıq.

Vəzifə təsviri

Copywriter olaraq siz brendin mesajını aydın, cəlbedici və effektiv şəkildə çatdıran məzmunun hazırlanmasına cavabdeh olacaqsınız. Müxtəlif rəqəmsal və çap platformaları üçün mətnlər yazaraq onların hədəf auditoriyaya və kampaniya məqsədlərinə uyğun olmasını təmin edəcəksiniz. Bu rolda siz güclü yazı bacarıqları və yaradıcı yanaşma ilə hər layihəyə fərqli üslub gətirəcək, ideyaların formalaşmasına töhfə verəcək, kampaniyaların inkişafını dəstəkləyəcək və brend hekayələrini təsirli mətnlər vasitəsilə ifadə edəcəksiniz.

Kreativ komanda ilə sıx əməkdaşlıq edərək məzmun hazırlayacaq, konseptlərin inkişafında aktiv iştirak edəcək və bütün materiallarda brend tonunun ardıcıllığını qoruyacaqsınız. Vəzifələrinizə, həmçinin, rəylər əsasında məzmunun yenilənməsi, mesajların müxtəlif platformalara uyğunlaşdırılması və bütün materialların kreativ istiqamətə və performans məqsədlərinə uyğunluğunun təmin edilməsi daxildir.

Vəzifə üzrə tələblər

Kommunikasiya, Jurnalistika, Marketinq və ya uyğun sahə üzrə bakalavr dərəcəsi.
Kopiraytinq sahəsində, üstünlük olaraq reklam və ya media mühitində, 1–3 il peşəkar iş təcrübəsi.
Güclü yazı, redaktə və edit bacarıqları.
Kampaniyalar və brend məzmunu üçün orijinal ideyalar hazırlamaq bacarığı ilə güclü kreativ və konseptual düşüncə.
Müstəqil işləmək və komanda ilə effektiv əməkdaşlıq etmək bacarığı.
Güclü ünsiyyət və şəxsiyyətlərarası kommunikasiya bacarıqları.
Xüsusilə TVC və reklam kampaniyaları üzrə müxtəlif işləri əhatə edən güclü portfolio.

Niyə wemark

Wemark sizə real layihələr və təhsil proqramları vasitəsilə aydın karyera inkişaf yolu və geniş şəxsi inkişaf imkanları təqdim edir. Wemark-da siz açıq fikirli və innovasiya yönümlü mühitdə çalışaraq həm öyrənməkdən, həm də iş prosesindən zövq alacaqsınız.

40+ istedadlı mütəxəssisdən ibarət böyüyən komandamızın bir hissəsi olaraq, siz yaradıcı texnologiyaların və süni intellekt əsaslı həllərin inkişaf etdiyi mühitdə dəyərli layihələr üzərində çalışmaq və Wemark-ın gələcək inkişafına töhfə vermək imkanı əldə edəcəksiniz. Bizə qoşulun və Süni İntellekt dövründə yaradıcılığın yeni mərhələsini birlikdə formalaşdıraq.

Kopirayter

Daha çox fürsət