HAQQIMIZDA

Wemark – media, texnologiya və yeni ideyalar vasitəsilə brendlərin auditoriyası ilə daha sıx əlaqə qurmasına kömək edən tam xidmətli konsaltinq və istehsalat laboratoriyasıdır.

Wemark-ı dəyər zəncirində marketinqin mərkəzi rol oynadığı şirkətlər üçün biznes sürətləndiricisi kimi təsəvvür edə bilərsiniz – biz şirkətlərin maliyyə və strateji hədəflərinə doğru irəliləməsinə və yeni zirvələrə yüksəlməsinə kömək edirik.

Bizim vizyonumuz təsəvvürümüzdən daha irəlidədir. Wemark-da biz təsəvvür edə biləcəyiniz hər şeyin real olduğuna inanır və ən son texnologiya ilə düzgün dizaynı istifadə edərək bunu həyata keçiririk.

Hazırda bizə #fərqyaratmaqda kömək edə biləcək Rəqəmsal Marketinq Mütəxəssisi axtarırıq.

Vəzifə Təsviri

Rəqəmsal Marketinq Mütəxəssisi olaraq, siz müxtəlif metodlardan istifadə edərək rəqəmsal marketinq planını effektiv şəkildə hazırlamaq və icrasını təmin edəcəksiniz. Rəqəmsal marketinq büdcəsinin planlaşdırılması və nəzarət edilməsi ilə yanaşı, hər bir yerləşdirmə kanalları (ödənişli media, mobil, sosial və s.) üzrə maksimal effektivliyin əldə olunmasına nəzarət edəcəksiniz. Google Axtarış, Google Display, YouTube video reklamları və e-poçt marketinqi ilə bağlı bütün rəqəmsal marketinq fəaliyyətlərini icra edəcək, kampaniyaların performansını optimallaşdıracaqsınız.

Mütəmadi olaraq rəqəmsal məlumatların və KPI göstəricilərinin dərin təhlilini yerinə yetirəcək, məlumatların tam və düzgün şəkildə digər tərəflərə çatdırılmasını təmin edəcəksiniz. Vebsayt üzərindən effektivliyin ölçülməsi məqsədilə müxtəlif testləri yerinə yetirəcək, məhsul və xidmətlərin istifadəçilərinin artımını təmin etmək üçün yeni rəqəmsal kanalları sınaqdan keçirəcəksiniz. Onlayn analitika platformaları əsasında optimallaşdırılma aparacaq, düzgün rəqəmsal müştəri strategiyalarının qurulmasını təmin edəcəksiniz.

Vəzifə üzrə Tələblər

Marketinq, Rəqəmsal Marketinq və ya əlaqəli sahədə bakalavr dərəcəsi.
Rəqəmsal marketinq sahəsində minimum 2 il iş təcrübəsi.
Rəqəmsal marketinq sahəsi üzrə tanınan diplom və ya dərəcəyə sahib olunması arzu olunandır.
Rəqəmsal marketinq üzrə istifadə edilən analitik proqramlardan (Google Analytics, Net Insight, Omniture, Web Trends, SEMrush, Data Studio) sərbəst istifadə qabiliyyəti.
SEO (Search Engine Optimization) sahəsi üzrə işləmə bacarığı.
Əla şifahi və yazılı ünsiyyət bacarıqları.

NİYƏ WEMARK

Wemark, sizə real iş nümunələri və təhsil proqramları vasitəsilə aydın karyera planı və çoxsaylı şəxsi inkişaf imkanları təklif edir. Wemark-da siz açıq fikirli startap mədəniyyəti mühitində özünüzü reallaşdıraraq, öyrənməkdən və iş prosesindən həzz alacaqsınız.

Rəqəmsal marketinq mütəxəssisi

Daha çox fürsət