HAQQIMIZDA

Wemark – media, texnologiya və yeni ideyalar vasitəsilə brendlərin auditoriyası ilə daha sıx əlaqə qurmasına kömək edən tam xidmətli konsaltinq və istehsalat laboratoriyasıdır.

Wemark-ı dəyər zəncirində marketinqin mərkəzi rol oynadığı şirkətlər üçün biznes sürətləndiricisi kimi təsəvvür edə bilərsiniz – biz şirkətlərin maliyyə və strateji hədəflərinə doğru irəliləməsinə və yeni zirvələrə yüksəlməsinə kömək edirik.

Bizim vizyonumuz təsəvvürümüzdən daha irəlidədir. Wemark-da biz təsəvvür edə biləcəyiniz hər şeyin real olduğuna inanır və ən son texnologiya ilə düzgün dizaynı istifadə edərək bunu həyata keçiririk.

Hazırda bizə #fərqyaratmaqda kömək edə biləcək Rəqəmsal Marketinq üzrə Qrup Rəhbəri axtarırıq.

Vəzifə Təsviri

Rəqəmsal Marketinq üzrə Qrup Rəhbəri olaraq, siz markanın böyüməsini təmin etmək üçün rəqəmsal marketinq kampaniyalarının strateji planlaşdırılmasına, həyata keçirilməsinə və optimallaşdırılmasına nəzarət edəcəksiniz. Rəqəmsal marketinq komandalarına rəhbərlik edərək, marketinq fəaliyyətlərini iş məqsədləri ilə uyğunlaşdırmaq üçün digər kross-funksional komandalarla əməkdaşlıq edəcəksiniz. Rəqəmsal marketinq strategiyalarını inkişaf etdirəcək, büdcələri idarə edəcək və kampaniya performansını analiz edərək maksimum ROI təmin edəcəksiniz.

Siz həmçinin Google Search, Google Display, YouTube və e-poçt marketinqi kimi kanallar üzərindən kampaniyaların idarə olunmasında məsuliyyət daşıyacaqsınız. Performansı optimallaşdıracaq, rəqəmsal məlumatları və KPI-ləri analiz edəcək və bu məlumatları əməliyyat strategiyalarına çevirəcəksiniz. Əlavə olaraq, veb saytın effektivliyini artırmaq üçün A/B testləri və konversiya eksperimentləri keçirəcəksiniz. Ən son rəqəmsal marketinq tendensiyaları və texnoloji yenilikləri izləyərək, innovativ böyümə strategiyalarına rəhbərlik edəcək və istifadəçi təcrübəsini yaxşılaşdıraraq qarşılıqlı əlaqə və satışları artıracaqsınız.

Vəzifə üzrə Tələblər

Marketinq və ya Biznes idarəçiliyi üzrə bakalavr dərəcəsi.
Rəqəmsal marketinq sahəsində 3-5 il peşəkar təcrübə, kampaniyaları idarə etməsində sübut olunmuş təcrübə.
SEO, SEM, PPC, sosial media, e-poçt marketinqi və məzmun marketinqi haqqında güclü anlayış.
Analitika alətləri üzrə bilik (məsələn, Google Analytics, Net Insight, Omniture, Web Trends, SEMrush, Data Studio, Power BI və s.).
DMI sertifikatı üstünlükdür. Google, Facebook, Hootsuite, SEMrush və s. kimi digər tanınan sertifikatlar əlavə üstünlükdür.
Liderlik, kommunikasiya və layihə idarəetmə bacarıqları.
Rəqəmsal marketinq alətləri və analitika platformalarından istifadə bacarığı.
Uğurlu rəqəmsal marketinq strategiyaları və kampaniyalarını əks etdirən güclü portfolio.

NİYƏ WEMARK

Wemark, sizə real iş nümunələri və təhsil proqramları vasitəsilə aydın karyera planı və çoxsaylı şəxsi inkişaf imkanları təklif edir. Wemark-da siz açıq fikirli startap mədəniyyəti mühitində özünüzü reallaşdıraraq, öyrənməkdən və iş prosesindən həzz alacaqsınız. Davamlı inkişaf edən 50 nəfərlik komandamızla birlikdə Wemark-ı daha da gücləndirmək üçün bizə qoşulmağa dəvət edirik!

Rəqəmsal marketinq üzrə qrup rəhbəri

Daha çox fürsət