HAQQIMIZDA

Wemark – media, texnologiya və yeni ideyalar vasitəsilə brendlərin auditoriyası ilə daha sıx əlaqə qurmasına kömək edən tam xidmətli konsaltinq və istehsalat laboratoriyasıdır.

Wemark-ı dəyər zəncirində marketinqin mərkəzi rol oynadığı şirkətlər üçün biznes sürətləndiricisi kimi təsəvvür edə bilərsiniz – biz şirkətlərin maliyyə və strateji hədəflərinə doğru irəliləməsinə və yeni zirvələrə yüksəlməsinə kömək edirik.

Bizim vizyonumuz təsəvvürümüzdən daha irəlidədir. Wemark-da biz təsəvvür edə biləcəyiniz hər şeyin real olduğuna inanır və ən son texnologiya ilə düzgün dizaynı istifadə edərək bunu həyata keçiririk.

Hazırda bizə #fərqyaratmaqda kömək edə biləcək Marketinq strategiyalarının qurulması və inkişafı üzrə mütəxəssis axtarırıq.

Vəzifə təsviri

Marketinq strategiyalarının qurulması və inkişafı üzrə baş mütəxəssis olaraq, siz müştərilərimizin uğurunun formalaşdırılmasında əsas rol oynayacaqsınız — çalışdığınız brend üzrə marketinq rəhbəri kimi fəaliyyət göstərəcəksiniz. Müştəri əlaqələrinin bütün mərhələsinə rəhbərlik edəcəksiniz — ilkin münasibətlərin qurulmasından və strateji planlaşdırmadan başlayaraq, icra və nəticələrin qiymətləndirilməsinə qədər. Daxili marketinq komandamızla sıx əməkdaşlıq edərək hər bir kampaniyanın ölçülə bilən nəticələr verməsini təmin edəcək, müştəri məmnuniyyətinin yeni standartlarını müəyyənləşdirəcəksiniz.

Siz sadəcə layihə idarəçisi kimi fəaliyyət göstərmirsiniz — müştərilərimizin uğurunun memarı kimi fərdi strategiyalar formalaşdırırsınız. Güclü və uzunmüddətli tərəfdaşlıqlar quraraq, etibarlı məsləhətçi rolunda çıxış edir və müştərilərə qarşılaşdıqları çətinlikləri inkişaf imkanlarına çevirməkdə dəstək olursunuz.

Vəzifə üzrə tələblər

Marketinq, biznes və ya əlaqəli sahə üzrə bakalavr dərəcəsi; xaricdə MBA dərəcəsi üstünlükdür.
Marketinq, konsaltinq, reklam və ya kommunikasiyalar sahəsində minimum 4 il iş təcrübəsi.
Əla kommunikasiya və insanlarla ünsiyyət bacarıqları.
Rus dilində sərbəst danışıq mütləqdir; ingilis və azərbaycan dillərində yüksək səviyyədə bilik üstünlük hesab olunur.
Marketinq prinsipləri və müasir trendlər haqqında biliklər.
Layihələrin idarə olunması və çoxsaylı tapşırıqları paralel yerinə yetirmə bacarığı.
Güclü analitik düşünmə və problem həll etmə bacarığı.
Komanda şəraitində səmərəli işləmək bacarığı.
Üstünlük verilən sahələr: elektronika, avtomobil, əyləncə və telekommunikasiya sənayesi.

Niyə wemark

Wemark, sizə real iş nümunələri və təhsil proqramları vasitəsilə aydın karyera planı və çoxsaylı şəxsi inkişaf imkanları təklif edir. Wemark-da siz açıq fikirli startap mədəniyyəti mühitində özünüzü reallaşdıraraq, öyrənməkdən və iş prosesindən həzz alacaqsınız. Davamlı inkişaf edən 50 nəfərlik komandamızla birlikdə Wemark-ı daha da gücləndirmək üçün bizə qoşulmağa dəvət edirik!

Marketinq strategiyalarının qurulması və inkişafı üzrə baş mütəxəssis

Daha çox fürsət